သို့ .... (2)

ချစ်သူ...

အရမ်းချစ်တရ် ..

ဒီစကား ခဏ ခဏ လည်း ပြောမိပါရဲ့

ခဏခဏလည်း ကြားနေရပါရဲ့

ဒါပေမယ့် ရိုးမသွားပါဘူး ချစ်သူရရ်

မင်းရဲ့ အချစ်ကိုလည်း လိုချင်မိပါရဲ့

ဖြစ်နိုင်မရ် ဆိုရင်ပေါ့လေ...

အသည်းကွဲ တမ်းတ လွမ်းဆွတ်ရခြင်း ဆိုတဲ့

ဒဏ်ရာ ခံစားချက်တွေကိုလည်း နားလည်ခဲ့ပါပြီ

နာကျင်ရတရ် .. မွန်းကျပ်ရတရ်

ဒါပေမယ့်လည်း နာကျင် မွန်းကျပ်မှုတွေထဲမှာ

ရုန်းမထွက်နိုင်အောင် ပျော်ရွှင်နစ်မျော်နေမိပြန်တရ်

လှလှပပ စကားလုံးတွေ.. နဲ့ မဆွဲဆောင်တတ်ဖူး ချစ်သူ

ဒါပေမရ့် မင်းကို ငါချစ်တဲ့ အချစ်က

ငါ့အတွက်တော့ ကမ္ဘာကြီး တစ်ခုလုံးကို လှပနေစေပါတရ်

တစ်ခုပဲ ပြောချင်တရ် ချစ်သူရရ်...

အရမ်းချစ်တရ်.............................. ။

ဆုတောင်း

လောကကြီးမှာ ခြေဗလာနဲ့
လမ်းလျှောက်နေတဲ့ လူတစ်ယောက်အဖို့
လူတွေရဲ့ ညှီစော်နံတဲ့ မျက်ဝန်းတွေကို မုန်းတီးမိတယ်..
ကြာလာတော့လည်း ဒီအကြည့်တွေကို
သနားစရာအဖြစ် သဘောထားတတ်လာပါပြီ...
ပုံသေဆန်တဲ့ ဘ၀မှာ သမရိုးကျ အဖြစ်အပျက်တွေကို အသားကျနေတဲ့
လူတွေရဲ့ ပိတ်ထားတဲ့ စိတ်တံခါးကို နှမြောမိတယ်...
အတွင်းဗလာဖြစ်တယ်ဆိုတဲ့
ခွက်တစ်ခွက်ရဲ့ အဓိက အချက်ကို တန်ဖိုးမထားတတ်ပဲ
ခွက်ကို အလှဆင်ထားတဲ့ ပန်းကနုတ်တွေနဲ့ ရွှေချထားတဲ့ အပြင်ပိုင်းကိုပဲ
တန်ဖိုးရှိတယ်လို့ ထင်နေကြတဲ့ လူအချို့အတွက် ၀မ်းနည်းမိတယ်..
ကိုယ့်ဆန္ဒပြည့်ဖို့အတွက် ကောင်းကင်က ကြယ်လေးတွေ ကြွေမှာကို
တောင့်တနေတဲ့ လူတွေရဲ့ အတ္တကို ကြောက်ရွံ့မိတယ်..
ဖြစ်နိုင်မယ်ဆိုရင်တော့ ..
ကန္တာရထဲမှာ ညောင်ပင်တစ်ပင်ဖြစ်ချင်တယ်..
နေပူဒဏ်ကြောင့် ခြောက်သွေ့မသွားခင် တစ်ကယ်လိုအပ်တဲ့ တစ်စုံတစ်ယောက်အတွက်
အေးချမ်းမှု အရိပ်တစ်လေးတစ်ခု ပေးခဲ့ချင်လို့ပါ ....။

သို့ ..

ချစ်သူ .. မင်းစကားလုံးတွေအောက်မှာ ကျရှုံးခဲ့တဲ့ငါ
ဆက်လက်ကျရှုံးနေချင်မိပါတယ်
ဘယ်အချိန်က ဘယ်လို စချစ်မိသွားလဲ
ငါမသိပါဘူး
ဘာကြောင့် ချစ်မိသွားလဲ
စဉ်းစားလို့ မရပါဘူး..
မင်းအတွက် ငါ့အချစ်က
အစမသိခဲ့သလို
အဆုံးလည်း မရှိနိုင်ပါဘူး..
ပိုင်ဆိုင်ခွင့်ကို မတောင်းဆိုလိုပါဘူး ချစ်သူ
ဒါပေမယ့်
ဖြစ်နိုင်မယ်ဆိုရင်တော့
ပိုင်ဆိုင်ချင်မိပါတယ်
အချစ်ဆိုတာ
ရယူခြင်းလား... ပေးဆပ်ခြင်းလား
ငါ့အတွက်တော့ အချစ်ဆိုတာ
ချစ်သူရဲ့ အပြုံးလေးတစ်ပွင့်ဖြစ်ဖြစ်
ချစ်သူရဲ့ ရီမောသံလေးတစ်ခုဖြစ်ဖြစ်
မြင်ခွင့် ကြားခွင့် ရမယ်
ချစ်သူရဲ့ ပျော်ရွှင်ခြင်းတွေကို
ဆောင်ယူပေးခွင့် ရမယ်ဆိုရင်ပဲ
ကျေနပ်ပါပြီ.. ချစ်သူ..။

မမေ့နိုင်သော အပြုံးလေးများ

ပူပြင်းလှတဲ့ နေ့လည်တစ်ခုမှာ ကျွန်မ သူ့ကိုစတွေ့ခဲ့ပါတယ်။ သူကတော့ ကားပေါ်မှာ ထိုင်နေခဲ့တဲ့ ကျွန်မကို မြင်ချင်မှ မြင်ပါလိမ့်မယ်။ အလွန်ပူတဲ့ နေရောင်အောက်မှာ ကျောင်းဝင်ခွင့် လျှောက်လွှာထုတ်ဖို့ စောင့်နေရင်း
လမ်းပေါ်က လူတွေကို ကြည့်နေတဲ့ အချိန်မှာ ကျွန်မကားရှေ့ကနေ လျှောက်လာတဲ့ သူ့ကို တွေ့ခဲ့ရတာပါ..။ အစတော့ အမှတ်မထင် ကြည့်လိုက်မိတာ ဖြစ်ပေမယ့် ရုတ်တရက် သူပြုံးတာကို မြင်လိုက်ရပါတယ်။ သူက လမ်းမှာတွေ့
တဲ့ သူ့ သူငယ်ချင်းတစ်ယောက်ကို ပြုံးပြတာပါ။ ဒါပေမယ့် သူ့အပြုံးကို မြင်လိုက်ရတဲ့အချိန်မှာ ကျွန်မရင်ထဲ အေးချမ်းသွားခဲ့တယ်။ ဘာရယ်ကြောင့်မှန်း မသိပေမယ့် နေပူဒဏ်ခံနေရလို့ စိတ်အိုက်နေတာတွေ၊ စောင့်နေရလို့
စိတ်ညစ်နေရတာတွေ အားလုံးကို မေ့သွားပြီး သူ့အပြုံးကို ငေးကြည့်နေခဲ့မိပါတယ်။
သူက လမ်းမှာရပ်ပြီး သူ့ သူငယ်ချင်းနဲ့ စကားတွေပြောနေခဲ့တယ်။ သူ့ပြုံးလိုက်တိုင်း သူ့မျက်လုံးလေးတွေ မှိတ်မှိတ်သွားခဲ့တယ်.. သွားတန်းဖြူဖြူလေးတွေ ပေါ်လာခဲ့တယ်..။ သူ့အပြုံးက ဟန်ဆောင်မှု မရှိတဲ့ ပီဘိ
ကလေးငယ်တစ်ယောက်ရဲ့ အပြုံးမျိုးပါ။ သူ့ရုပ်ရည်က သာမန်ပါပဲ.. ချောမောတယ်ဆိုတဲ့ စာရင်းထဲ ထည့်လို့မရတာတော့ အသေအချာပါ။ ဒါပေမယ့် ထူးဆန်းတာက သူ့အပြုံးကို မြင်လိုက်ရတဲ့ အချိန်မှာ ကျွန်မရင်ထဲ အလွန်ကို
အေးချမ်းသွားခဲ့ရပါတယ်။ ကျွန်မအတွက် မဟုတ်ခဲ့တဲ့ အပြုံးကို အခုချိန်ထိ စိတ်ထဲs စွဲစွဲမြဲမြဲ မှတ်မိနေပါတယ်။
ကျောင်းတွေဖွင့်တဲ့အခါ သူ့ကို ပြန်တွေ့ခွင့် ရခဲ့ပါတယ်။ ကျွန်မထက် senior ဖြစ်တဲ့သူ့ကို တစ်ခါတစ်ခါမှ မြင်တွေ့ခွင့် ရပါတယ်။ သူနဲ့တွေ့တိုင်း သူပြုံးနေတဲ့ အချိန်နဲ့ ကြုံရတာမဟုတ်ပေမယ့် သူပြုံးတာကို မြင်ခွင့်ရတဲ့
အချိန်တိုင်း သူ့အပြုံးကို မရှောင်လွှဲနိုင်အောင်ကိုပဲ ကြည့်မိပါတယ်။ ဟန်ဆောင်ပန်ဆောင်မဟုတ်ပဲ တကယ့်ကို စိတ်ထဲကပါတဲ့ သူ့အပြုံးလေးတွေကို ကျွန်မ အလွန် မြတ်နိုး တန်ဖိုးထားမိပါတယ်။ ကျွန်မ သူ့ကို ချစ်နေတာလည်းမဟုတ်ပါဘူး။
ဒါကိုတော့ ကျွန်မရင်ထဲမှာ ရှင်းရှင်းလင်းလင်းသိပါတယ်။ ဒါပေမယ့် သူ့အပြုံးကို တော့ ရင်ထဲမှာစွဲမြဲနေခဲ့ပါတယ်။
သူ့အပြုံးတွေကို မြင်ခွင့်ရလိုက်တိုင်း ပီတိဖြာမိခဲ့ပါတယ်..။ ဖြစ်နိုင်မယ်ဆိုရင် သူ့အပြုံးလေးတွေကို နေ့တိုင်းပဲ မြင်ချင်မိပါတယ်..။ ကျွန်မ အတွက်မဟုတ်ပေမယ့် ကျွန်မ စိတ်တွေကို အေးမြစေတဲ့ အပြုံးမျိုး ပြုံးတတ်တဲ့
သူ့ကိုလည်း အရမ်းကို ကျေးဇူးတင်မိပါတယ်...။

ကိုယ့်ရဲ့ လက်တွဲဖော်

အပြင်မှာ မိုးဖွဲလေးတွေ ကျနေပြီ ကို... ကျွန်မရင်ထဲမှာလည်း မိုးတွေရွာနေပါတယ်။ ဒါပေမယ့် ကျွန်မရင်ထဲက မိုးတွေဟာ
ကျွန်မရင်ကို မအေးမြစေနိုင်ပါဘူး..။ ကို ... ကျွန်မတောင်းပန်ပါတယ်..။ တောင်းပန်ပါတယ်ဆိုတဲ့ စကားကလွဲပြီး ကျွန်မမှာ ပြောစရာ
မရှိတော့ပါဘူး။ ကို.. မေးခဲ့ဖူးတယ်နော်။ ဘာလို့ ချစ်ခဲ့တာလဲ တဲ့..။ အဲ့ဒီမေးခွန်းကို ကျွန်မ မဖြေတတ်ခဲ့ပါဘူး ကို .။
ကျွန်မ ကို့ ကို ချစ်ခဲ့တာ ဘာအကြောင်းပြချက်မှ မရှိပဲ ချစ်ခဲ့တာပါ..။ ချစ်မိလို့ ချစ်ခဲ့တာပါလို့ပဲ ဖြေစရာ
ရှိခဲ့ပါတယ်..ကို။
အခု .. အဲ့လို မေးခွန်းမျိုး ကို ထပ်မေးပြန်ပြီနော်..။ ဘာလို့ လမ်းခွဲမှာလဲတဲ့..။ ကိုရယ်.. ကို့ ကို သိပ်ချစ်ပါတယ်။ ဒါပေမယ့်
ကျွန်မက ခံနိုင်ရည် မရှိတဲ့ ပျော့ညံ့ညံ့ မိန်းမတစ်ယောက်ပါ။ ကို အဆက်အသွယ် မလုပ်ပဲ လျစ်လျှူရှုခဲ့တဲ့ လတွေ၊ ကို တခြား မိန်းကလေး
တစ်ယောက်နဲ့ ပျော်ရွှင်နေတဲ့ အချိန်တွေ .. အဲ့ အချိန်တွေ အားလုံးကို ကျွန်မ မသိချင် ယောင်ဆောင်ခဲ့ပေမဲ့ ရင်ထဲမှာ နာကျင်ခဲ့ရပါတယ် ကို။
ကိုရယ်.. ကို့ ရဲ့ အပြစ်တွေကို ထောက်ပြနေတာ မဟုတ်ပါဘူး။ ကျွန်မရင်ထဲ နာကျင်နေရတဲ့ အကြောင်းတွေကို ပြောပြတာပါ။
ကို .. ကျွန်မကို ဘယ်တုံးကမှ မချစ်ခဲ့ပါဘူး။ ကို .. က ကျွန်မကို ဘ၀ လက်တွဲဖော် တစ်ယောက်အနေနဲ့ လက်တွဲဖို့သာ ရွေးချယ်ခဲ့တာပါ။
ကွန်မဟာ ကို့ရဲ့ ချစ်သူ ဘယ်တုံးကမှ မဖြစ်ခဲ့ပါဘူး။ နှလုံးသားထက် ဦးနှောက်ကို အရေးပေးပြီး လက်တွဲဖော်ကို ရွေးချယ်တဲ့ ကို့ရဲ့ ဘ၀
မှာ ကျွန်မက အသင့်တော်ဆုံး အဖြည့်ခံတစ်ယောက်အဖြစ်သာ ရွေးချယ်ခံခဲ့ရတာပါ..။ ကိုနဲ့ အလိုက်ဖက်ဆုံး မိန်းမ တစ်ယောက်အဖြစ်
သပ်သပ်ပါ..။ ဒါတွေအားလုံးကို ကျွန်မ မသိချင်ပဲ သိနေပါတယ်..ကို။
ဘာတွေ ဘယ်လိုဖြစ်နေ နေ ကိုယ်ချစ်တာကသာ အဓိကဆိုတဲ့ စိတ်မျိုး ကျွန်မမှာ ရှိချင်ပါတယ်။ ဒါပေမယ့် ကိုယ့်ကို မချစ်တဲ့
ယောင်္ကျားတစ်ယောက်နဲ့ ဘယ်လိုမှ လက်မထပ်နိုင်ပါဘူး။ ကို .. ကျွန်မဘေးနား ရှိနေတဲ့အချိန်တွေမှာ ကို့ချစ်သူအကြောင်းဘယ်နှကြိမ်
စဉ်းစားမိမလဲ.. ကျွန်မ မသိချင်ပါဘူး..။ ကျွန်မက အချစ်ကို ရှေ့တန်းတင်တတ်တဲ့ မိန်းမတစ်ယောက်ပါ ကို..။ ကိုယ့်ကို မချစ်တဲ့သူကို
လက်ထပ်ဖို့ သတ္တိလည်းမရှိပါဘူး။ လက်ထပ်လို့ အတူနေတာ ကြာလာရင် သံယောဇဉ်ဖြစ်လာမှာပဲလို့ ပြောကြပါတယ်ကို ။ ဒါပေမယ့်
ကိုရယ်.. သံယောဇဉ်ဆိုတာ အချစ်မှ မဟုတ်တာ။ ကျွန်မ ကို့ဆီက အချစ်ကို လိုချင်မိပါတယ် မရနိုင်မှန်း သိရက်နဲ့ လိုချင်မိတာပါ။
ဒါပေမယ့် အဲ့လို ကို့အချစ်ကို လိုချင်တယ်ဆိုတာဟာ ကို့ ကို ပိုင်ဆိုင်ချင်တာမဟုတ်ပါဘူး..။ ကျွန်မချစ်သလို ပြန်ချစ်စေချင်တာပါ။
ဒါပေမယ့် ဖြစ်မလာနိုင်တော့ပါဘူး .. ကျွန်မသိပါတယ်ကို.. ကို့မှာ အရမ်းချစ်ရမယ့် မြတ်နိုးတန်ဖိုးထားရမယ့် မိန်းကလေး ရှိနေပြီးပြီ
မဟုတ်လား..။
အရာအားလုံးမှာ အရမ်းတော်တယ်ဆိုတဲ့ ကို က ကိုယ်ချစ်တဲ့ မိန်းကလေးနဲ့ လက်တွဲဖို့ သတ္တိမရှိဘူးနော်..။ ဒါပေမယ့် ကို့
ရင်ထဲမှာ သူကရှိနေ ပြီးပြီ မဟုတ်လား.. ကို ။ ဒါတွေအားလုံးကို သိနေတဲ့ ကျွန်မမှာ ဘယ်လိုမှ ခံနိုင်ရည် မရှိတော့ပါဘူး။ ဒါကြောင့်
ကျွန်မ ကိုနဲ့ လမ်းခွဲဖို့ ဆုံးဖြတ်ခဲ့တာပါ..။ ကျွန်မကို ခွင့်လွှတ်ပါ ကို..။

သူငယ်ချင်း

အချစ်ကို ဘယ်လိုမြင်ကြပါလဲ..။ ကျွန်မကတော့ အချစ်ဆိုတာ ဆန်းကြယ်ပြီး စိတ်ကူးယဉ်စရာ ကောင်းတဲ့ အရာတစ်ခုဖြစ်မယ်လို့
ထင်ပါတယ်.. အဲ့လို အချစ်မျိုးကို တွေ့ဖို့ စောင့်မိတဲ့ လူမှာ အပြစ်ရှိတယ်ဆိုရင် ကျွန်မလည်း အပြစ်ရှိတဲ့ လူတစ်ယောက်ပါ..။ နောက်ပြီး
လူတစ်ယောက်ကို ကိုယ်လိုချင်တဲ့ပုံစံမျိုးနဲ့ ပဲ နေစေချင်တာ တစ်ကိုယ်ကောင်းဆန်တဲ့လူတွေရဲ့အပြုအမှုဆိုရင် ကျွန်မဟာ
သိပ်တစ်ကိုယ်ကောင်းဆန်တဲ့ မိန်းမတစ်ယောက်ပါ..။
ကျွန်မမှာ ငယ်ငယ်လေးထဲက သိပ်ရင်းနှီးခဲ့တဲ့ သူငယ်ချင်းတစ်ယောက်ရှိပါတယ်..။ ကျွန်မငယ်ငယ်တည်းက ဒီအချိန်ထိ လိုသမျှဖြည့်စည်းပေးခဲ့တဲ့
အရမ်းချစ်ဖို့ကောင်းတဲ့ သူငယ်ချင်းပါ။ ကျွန်မသူ့ကို သိပ်ချစ်ပါတယ်..။ ဒါပေမယ့် အဲ့လို ချစ်ပါတယ်ဆိုတဲ့ ကျွန်မအချစ်ဟာ အဖြူရောင်
သပ်သပ်ပါ။ တချို့လူတွေကပြောကြပါတယ်.. ယောင်္ကျားလေးနဲ့ မိန်းကလေး ဖြူစင်စွာချစ်တယ်ဆိုတာ မဖြစ်နိုင်ဘူး... ကြာလာတာနဲ့အမျှ
ရိုးရိုးကနေ ဆန်းဆန်းဖြစ်မှာပဲ.. အဲ့လိုစကားမျိုးတွေ ကျွန်မတော်တော် ကြားဖူးခဲ့ပါတယ်။ ကျွန်မလူတွေရဲ့စိတ်တွေကို နားမလည်နိုင်ပေမယ့်
သေချာတာ တစ်ခုကတော့ ကျွန်မသူ့ကို သိပ်ချစ်ပါတယ်.. မနာလိုမှုတွေ ၊ ၇ယူမှုတွေ၊ ပေးဆပ်ခြင်းတွေ.. အဲ့ဒါတွေ တစ်ခုမှ မပါပါဘူး..။
ဒီလိုနဲ့ ကျွန်မ မထင်မှတ်ထားတဲ့ နေ့တစ်နေ့မှာ ဘယ်လိုမှ မထင်ထားတဲ့ စကားတစ်ခွန်းကို သူပြောခဲ့ပါတယ်။ "နင့်ကို ငါ အရမ်း
ချစ်တယ်ဟာ"တဲ့.. ကျွန်မ အရမ်းအံသြသွားခဲ့ရပါတယ်..။ ကျွန်မဟာ လူတွေရဲ့ စိတ်ကို ဖတ်တဲ့နေရာမှာ တော်တော်ညံ့တဲ့ လူတစ်ယောက်ပါ..။
တစ်ခါတ်လေ ကိုယ့်ကို စိတ်ဆိုးနေတာကိုတောင် မသိတဲ့ နားမလည်တဲ့လူပါ.. ။ ဒါပေမယ့် ကျွန်မနဲ့ အနီးကပ်ဆုံး ကျွန်မအချစ်ဆုံးဖြစ်တဲ့
သူငယ်ချင်းရဲ့စိတ်ကိုတော့ သိမယ်လို့ ကိုယ့်ကို ကို ထင်ထားခဲ့တာပါ။ ကျွန်မ သိခဲ့တာ ကျွန်မကို သူသိပ်ချစ်ခဲ့တယ် .. ဒါပေမယ့် ကျွန်မသိခဲ့တဲ့
အချစ်ဟာ အခုသူပြောနေသလို ပိုင်ဆိုင်လိုမှု .. ရယူလိုမှုတွေ.. ပေးဆပ်ခြင်းတွေနဲ့ ရှုပ်နေတဲ့ အချစ်မျိုး ဘယ်တုံးကမှ မဟုတ်ခဲ့ပါဘူး။
"နင်စိတ်ဆိုးသွားလာဟင်.. ငါနင့်ကိုနောက်နေတာမဟုတ်ပါဘူး.. ငါ နင့်ကို တကယ်တန်ဖိုးထားပြီး ချစ်တာပါ.. ငါ့ရဲ့ ဘ၀လက်တွဲဖော် အထိ
ရည်ရွယ်ပြီး ချစ်ခဲ့တာပါ" .. ဟင့်အင်း.. ငါစိတ်မဆိုးရက်ပါဘူး.. ဒါပေမယ့် ငါစိတ်မကောင်းဖြစ်မိတယ်.. ငါဘယ်တုံးကမှ နင့်ကို သူငယ်ချင်း
အဖြစ်ထက်ပိုပြီး မစဉ်းစားခဲ့ဖူးဘူး.. ။
ကျွန်မ အဲ့နေ့က တစ်ညလုံး အိပ်မရခဲ့ပါဘူး။ မိန်းကလေးတစ်ယောက်ဖြစ်တဲ့ ကျွန်မဟာ မိန်းကလေးပီသစွာ ကိုယ့်ချစ်သူနဲ့
ပတ်သတ်ပြီး စိတ်ကူးအများကြီးယဉ်ခဲ့ဖူးပါတယ်.။ ဒါပေမယ့် ကျွန်မမှာ ချစ်သူတစ်ယောက်မှ မရှိခဲ့ပါဘူး။ ကျွန်မရဲ့ အချစ်ကို တောင်းခံခဲ့တဲ့လူတွေကို
ယုံလည်းမယုံခဲ့သလို ခံစားချက်လည်း တစ်စုံတစ်ရာလည်း မရှိခဲ့ပါဘူး။
''ချစ်တယ်" ဆိုတဲ့စကားကို ကျွန်မတကယ်ချစ်တဲ့လူ ကိုတွေ့မှ ကျွန်မရင်ထဲက စိတ်ပါလက်ပါနဲ့ပြောချင်တာပါ.. အဲ့လိုချစ်မိတဲ့သူကိုပဲ
ဘ၀လက်တွဲဖော်အဖြစ် လက်တွဲချင်မိတာပါ..။ ကျွန်မမှာ အခုထိ အဲ့လို ခံစားလို့ရမယ့်သူ မတွေ့သေးပါဘူး။ ချစ်သူမရှိတဲ့ မိန်းကလေးတစ်ယောက်
အနေနဲ့ ချစ်မိဖို့ မခက်ပါဘူး။ ဒါပေမယ့် ကျွန်မသူ့ကို ချစ်ခဲ့တာ အဲ့လို အချစ်မျိုးနဲ့ ဘယ်တုံးကမှ မဟုတ်ခဲ့ပါဘူး..။
ကျွန်မသူ့ကို ချစ်သူအဖြစ် လက်မခံနိုင်ပါဘူး.. အရာရာပြည့်စုံတဲ့ သူ့လို လူတစ်ယောက်ကို ငြင်းဖို့ မရှိပေမယ့် ခံစားချက်ပါမှ ချစ်ချင်တာ
ကျွန်မ စိတ်ကူးယဉ် သိပ်ဆန်သွားသလား..။ ဒါပေမယ့် တစ်ဖက်ကလည်း ကျွန်မ သူ့ကို သူငယ်ချင်း တစ်ယောက် .. ကျွန်မသိပ်ချစ်တဲ့ ကျွန်မကို
သိပ်ချစ်တဲ့ သူငယ်ချင်းတစ်ယောက်အနေနဲ့ ရှိစေချင်ပါတယ်..။ ကျွန်မက သိပ်အတ္တကြီးတဲ့ မိန်းမတစ်ယောက် ဖြစ်နေမိမယ်ထင်ပါတယ်။ ကိုယ့်ဘက်က
ဘာမှ မပေးနိုင်ပဲနဲ့ သူ့ကို ကိုယ်လိုချင်တဲ့နေရာမှာနေစေချင်မိလို့ပါ..။
ကျွန်မ သူ့ကို သိပ်ချစ်ပါတယ်။ ဒါပေမယ့် သူတောင်းဆိုနေတဲ့ အချစ်မျိုးနဲ့ မချစ်နိုင်ဘူး..။ ကျွန်မကို လည်း သူငယ်ချင်းအဖြစ်နဲ့ပဲ
ချစ်စေချင်မိတယ်။ ကျွန်မ သိပ်လွန်သွားသလားဟင်..။

The love, I need

When I sad,
I want to see your smile.
When I depressed,
I want to hold your hand.
When I happy,
I want to share that happiness with you.
When I want to cry,
I want you to hold me.
For all time...
I NEED you
I want you to beside me.
To be with me..
The thing is ..
I love you..
I will always love you
And I want you to love me too..